ვარკეთილის ხევის პროექტი მოიცავდა 3.5 ჰექტარზე გაშლილი ტერიტორიის სრულ ლანდშაფტურ ტრანსფორმაციასა და გამწვანებას. პროექტის ფარგლებში მიტოვებული ხევი გარდაიქმნა თანამედროვე, მრავალფუნქციურ სარეკრეაციო პარკად, სადაც მოეწყო მდიდარი დენდროლოგიური ზონები, საფეხმავლო ბილიკები და დასასვენებელი სივრცეები ადგილობრივი მცხოვრებლებისთვის.
ხევის რთული რელიეფი და ნიადაგის სპეციფიკური პირობები კომპლექსურ ლანდშაფტურ და საინჟინრო მიდგომას მოითხოვდა. მთავარ ამოცანას წარმოადგენდა ფერდობების სტაბილიზაცია და ისეთი დეკორატიული ხე-მცენარეების შერჩევა, რომლებიც უზრუნველყოფდნენ ნიადაგის გამაგრებას, გაუძლებდნენ ადგილობრივ კლიმატს და პარკს შესძენდნენ უხვ სიმწვანეს.
ჩვენ განვახორციელეთ ტერიტორიის სრული დენდროლოგიური მოწყობა — დავრგეთ მაღალი ხარისხის დეკორატიული ხე-მცენარეები, მოვაწყეთ ავტომატური სარწყავი სისტემები და ავაგეთ ესთეტიკური ლანდშაფტური კომპოზიციები. შედეგად, ვარკეთილის ხევი გარდაიქმნა ეკოლოგიურად ჯანსაღ, უსაფრთხო და მიმზიდველ ურბანულ სივრცედ.
მდებარეობა
ვარკეთილის ხევის პროექტი
დასრულდა
28 მაისი, 2022
ფართობი
35000 კვ.მ
