დიღმის მასივში მდებარე მაიაკოვსკის პარკის პროექტი მოიცავდა ამ ისტორიული და მნიშვნელოვანი სარეკრეაციო სივრცის სრულ რეაბილიტაციასა და ლანდშაფტურ განახლებას. პროექტის მიზანი იყო პარკის ბუნებრივი ხასიათის შენარჩუნებასთან ერთად, თანამედროვე, ესთეტიკური და მწვანე გარემოს შექმნა ადგილობრივი მცხოვრებლებისთვის.
პარკის არსებული მწვანე საფარისა და ისტორიული იერსახის შენარჩუნება ისე, რომ მასში ჰარმონიულად ინტეგრირებულიყო ახალი დეკორატიული ელემენტები, საპასუხისმგებლო ამოცანა იყო. ჩვენმა გუნდმა განსაკუთრებული ყურადღება დაუთმო მცენარეთა სწორ შერჩევასა და ზონირებას, რათა სივრცეს შეენარჩუნებინა თავისი სიმშვიდე და ამავდროულად შეიძინა თანამედროვე იერი.
ჩვენ განვაახლეთ პარკის დენდროლოგიური შემადგენლობა, დავრგეთ მაღალი ხარისხის დეკორატიული ხე-მცენარეები და მოვაწყვეთ დახვეწილი ლანდშაფტური კომპოზიციები. შედეგად, მაიაკოვსკის პარკი გარდაიქმნა კიდევ უფრო მწვანე, მოწესრიგებულ და მიმზიდველ დასასვენებელ ზონად.
ფართობი
50000 კვ.მ
